L'amor...L'amor

Me cèrtle volt ancora an sò capì,
co'l'è ch'me tén acsé lighèd ma te.
Par quant a facia, an me sò spighè
sta malatia ch'an me fa più guarì.

Te t'ha 'n qualcò'...che propi me ann'el sò !
Sarà par com t'sì fata, el mod d'pensè,
sarà forsi la forza ch't'me sa dè,
in ch'i momènt che un...ann'è po' piò.

E' véra, a litighém senza ragion,
che spéss l'è tant dificil soportè,
a stém di giorne intér sa di magon,

che guèsi m' vèn la voja da scapè...
Invéc a métt da part tutt le ragion,
parchè da te distant...an ce so stè.