Prova

Prova a parlè t'èl silènzi dla gènt,
sa cle paròl che nisciun el v0' dì.
Prova a cerchè sa'l tu còr da capì,
le voc d'un mond senza più sentimènt.

Prova a guardè 'n do' nisciun el vo' véda,
'n do' cmanda el mèl e se mòr par un gnènt.
Prova a sentì, anca se l'an se sènt,
sta voc de Dio che la gènt l'an vo' créda.

E prova adèss a guardè déntra te,
e sa'l coragg ch'un s'artrova t'èl còr,
trova la tégna, continua a lotè.

Ma nun purtè ma nisciun el rancor,
anca se propi an te po' perdonè.
L'è sol acsé che s'artrova l'amor.