El sèns dla vita

...Svélt a camén adèss par la mi strèda,
e a végh do' falch in alt t'èl cél ch'i vola,
porta fortuna, i dic, mo quél ch'consola,
l'è l' sèns dla libertà, ch'da gust a véda.

I se dà d-drìa e dop i gira in tond,
cum s'i s'metésa'n po' a cerchè 'n qualcò',
che me sa i pìd par tèra an trovarò,
manca sa camp cènt'ann in t'un stè mond...

I falch i và distànt e ann'i voj perda
acsé a camén più svélt sa i occh in alt,
e mentre lori i s'butta t'un gran salt...
"Porca puténa...Ajò pistèd 'na merda !!"