El sentìr dla stupidità

Quand certle volt a vagh cercand me stéss,
in t'el sentìr dla mi stupidità,
a trov d'intorne tutt cle falsità,
cle fà gì avanti ma ste' mond d'adèss.

A trov la rabia dl'om contra se stéss,
parchè la pèll l'ann'è del stéss color,
e s'maza par la féd e par l'onor,
opur t'el nom d'un dio chiamèd progrèss.

Mo Dio, ch'el véra, Dio 'n do' mèi 'l sarà ??
Parchè ann'el végh ? Parchè ann'i poss parlè,
in t'el sentìr dla mi stupidità ??

Ann'el sa forsi ch'a c'è sò anca me,
ch'a vagh chiamand un po' dla su bonta ??
Mo prò maché ch'el Dio cerchèd, an c'è.