Felicità

Felicità l'ajè 'na roba pcéna,
cla pò dè tutt parfìn anca sa gnènt.
Felicità l'ajè 'na farfaléna,
cla vola pièn e guèsi l'an se sènt.

E quand dle volt la và vicén ma'l còr,
e 'n po' la s'fèrma sol par un momènt,
sbòcia la vita com se fussa 'n fior
e un el tira avanti più cuntènt.

Felicità, an dic più gnènt adèss,
l'ajè dventèda sol una parola,
parchè nisciun l'è bon d'acuntentèss,
s'èl véd una farfala quand la vola.

E tutti s'và cercand Felicità...
C'è chi 'n avrà mèi pèc par gì a truvèla,
c'è chi l'ajà tra 'l mèn e manca 'l sa,
chi l'ha butèda via, chi vo' cumprèla...

Mo la felicità l'ajè tropp pcéna,
la po' dè tutt parfìn anca sa gnènt.
Felicità l'ajè 'na farfaléna,
cla vola pièn e guèsi l'an se sènt.