Parchè (Perchè)

Un ègh t'un bracc senza savé parchè.
Par gì, forse, distànt par un momènt,
da 'n mond in do' t'si sol tra tanta gènt,
cl'an te da gnènt e l'an s'incorg de te.

'Na sorta d'giogh, acsé, senza motiv,
cmincièd insièm sa le tu delusion,
e po' la rabia, la disperazion,
dla vita tua che propi an te capiv.

Te vlév sol la speranza, e 'na ragion
par archiapè fiducia t'èl destén,
magari te cerchèv un ocasion,

par véda el mond sa'i occh d'un ragazén.
Invéci c'è stèd cla stupida ilusion
cla t'ha smurcèd pièn pièn, com un lumén.