El tèmp

El tèmp el pàsa senza arscòda fièd,
senza guardè tla facia ma la gènt,
el tèmp el corr, el vola indiferènt,
sopra de tutt e quél ch'è stèd è stèd.

El tèmp el pasa, gnènt i'l po' fermè,
ann'ha pietà, ne còr, ne sentimènt,
el pàsa e basta, senza véda gnènt,
inutìl par noiatre ragiunè !!

Quanti rimpiant e quant ripensamènt,
in tla vita d'un om da quand l'è nèd,
ch'an po' viva dò volt el stéss momènt...

Epùr...Sol a campè s'è fortunèd...
Mo intànt che stè pensìr l'artorna in mènt,
el tèmp el pàsa...anzi è già pasèd !!