L'aqua d'Pésre (1979)

Ann'ho mèi capìd parchè,
l'aqua bona a Pésre an c'è,
e par béva e par magnè,
a l'ajò da gì a cumprè.
Fussa quést an sarìa gnènt,
se t'fa prova d'lavè i dènt,
la maténa apéna alzèd,
chiud el nès, tratén el fièd,
cum t'apèrt el rubinétt...
Oh Signor mio benedétt !!!
Vèn giù l'aqua colorèda,
roscia com una piscèda,
d'un pòr chèn ch'èl staga mèl,
e l'udor l'è guèsi uguèl.
Tutt le volt che s'lèva i pagn,
ann'è cèrt un gran guadagn
par le donn cle vo' lavè,
sa l'aquacia ch'c'è maché.
i lanzoi bianch de buchèda,
se c'è l'aqua colorèda,
i vèn fòra tutt machièdi,
com s'ti avéssi piturèdi.
"In vèn bèn" lorle le dic,
"gnanca sa la lavatric!!"
Se 'l cafè t'prov da chiapè,
fàt sa l'aqua ch'c'è maché,
com t'el métt in t'na taztnéna,
l'ha 'l sapor dla varachéna.
Po' tropp rob c'sarìa da dì,
che l'estèd toca sufrì,
parchè l'aqua cla vèn giò,
l'ann'è tanta e par de piò,
cèrtle volt l'ann vèn par gnènt,
e an t'si miga tant cuntènt,
quand la barba t'ha da fè,
e t'incorg che l'aqua an c'è.
Par fè 'l bagn se sa com è,
l'aqua an bsogna sparagnè.
Se t'vo avé la vasca péna,
alzte al quatre dla maténa,
el color l'è sempre uguèl,
mo prò almanch o bèn o mèl,
'na lavèda tla po' dè,
mo m'arcmand, an respirè...!!
Donca adèss in conclusion,
questa l'è l'ha situazion,
el bèl l'è ch'an s'po' fè gnènt,
par avé qualch gambiamènt,
è anca inutil protestè,
parlè, scriva o bagajè,
parchè tant in t'el comun,
an te stà sentì nisciun.
Prò 'n rimedi a l'ho trovèd,
dop un po' ch'ajò pensèd,
l'è 'n rimèdi tant e quant,
a ve'l digh, an costa tant...
Par lavèss, s'và giù a maréna,
e par béva...tla canténa.

Era il 1979 e la situazione idrica a Pesaro era proprio questa(una cosa da terzo mondo!!)
il"nuovo" aquedotto era in fase di costruzione e la città visse anni e anni in condizioni molto disagiate.
Però cominciai a fare dello sport...Andavo al campo scuola(ora Miralfiore) facevo un giro o due, se no il custode s'incazzava, poi come tanti, andavo a fare la doccia...una pacchia !! Ci si lavava senza problemi.

Questa "poesia" ha ottenuto l'onore della pubblicazione su " I DIALETTI NELLA PROVINCIA DI PESARO E URBINO" Saggio linguistico e raccolta poetica dialettale del Prof. SANZIO BALDUCCI edito dall'Amministrazione Provinciale di Pesaro e Urbino nel 1984.