'N onda dèl mèr

E 'n onda dèl mèr guèsi cmincia dal gnènt,
la s'alza pièn pièn da distant cum l'ajè.
Po' dvénta più grosa, aiutèda dal vènt,
intant cla vèn otra, cminciand a schiumè.

E dop la s'aréccia cum vlésa giughè,
s'arvolta, la casca facénd un gran chiass,
acsé la stragéna da ditra de se,
tramèzz a la réna, le còciol e i sass.

Finquand la 'n se slonga, morénd in tla riva,
in do' la se sciuga cum fussa già sfnìta,
ma 'n onda più granda e più fort l'aiariva,
la nasc, po' la vìv e la mòr...cum la vita.