Fiulén

Fiulén disperèdi tramèzz a la gènt,
cum tanti fìl d'erba da i pìd calpestèd,
cercand la pietà da stè mond disgrazièd,
ch'an guarda tla facia nemén gli inocènt.

Pietà par 'na vita cumpagna dla mort,
tra tantle cità de cemènt e d'acèr,
tra l'odi dle razz o tramèzz a le guèr,
uguèl mo divis par el giogh de la sort.

E i mòr i fiulén, e i continua a murì,
t'na tragiga conta d'un pòr girotond,
che quéi fortunèd i è tropp pcén par capì.

Armàn 'na gran rabia, armàn i parchè,
armàn la vergogna d'fè part de stè mond,
e armàn la speranza...s'ancora la c'è.