I sogn t'èl casétt

Tutt i mi sogn adèss jè in t'un casétt,
lighèdi sa 'n curdlén fàtt de rimpiant,
i ce stà tutti anca s'ì stà strétt,
parchè par me ch'i sogn ièra important.

I è fatt sa le speranz e l'ilusion,
de quél ch'podéva essa ch'ann'è stèd,
c'è i desideri, tantle delusion
e po' i ricord de quél che già è pasèd.

Prò me so' incort che i sogn in conta gnènt,
e préma o dop, se sa, toca lascèi,
la vita l'ajè fata diferènt...
Alora a i métt malé sol par guardèi.

Finchè ann'avrò 'l coragg da butèi via,
a i téngh nascosti come d'i tesòr,
e quand me chiapa 'n po' de nostalgia,
a i vagh arvéda t'èl casétt del còr.