S'podéssa

S'podéssa créda ancora ma le favol,
sa cl'inocènza pura d'un fiulén,
com quand i m'arcuntèva che da pcén,
ajèra nèd sota le foj d'un cavol.

E déntra ma 'na favola campè,
'n do' bèn o mèl le rob le artorna a post,
'n do' ch'an c'è bsogn de tutt a tutt i cost,
e un el vén chiapèd acsè com l'è.

S'podéssa, sa la gènt, fè 'n girotond,
magari acsé par una volta sola,
s'pudrìa, par giogh,a fè più bòn stè mond.

S'podéssa...fermè 'l tèmp sa parola,
e arturnè indrìa dic ann in t'un second,
par nun sentì st'magon maché...tla gola.