El mestìr più complichèd

Un giorne ma mi pèdre ajò dmandèd:
"O bà, qual'è 'l mestìr più complichèd ??"
El m'ha rispost :" Tropp c'nè de ch'i lavor,
chiapa presémpi ma chi fà 'l dotor,
prova a pensè quant l'ha da fadighè,
préma de tutt parchè l'ha da studiè,
po' dop anca parchè l'ha da capì,
se un sta mèl, el mod da fè'l guarì.
O s'no prova a chiapè ma 'n ingenìr,
e pensa 'n cuncinén ma ch'èl mestìr,
ma tutta la fadiga cl'ha da fè,
parchè 'n palazz an possa mèi caschè.
E quél che de mestìr fa l'avuchèd...??
Mo te co' t'créd ch'ann ava fadighèd,
par imparè cum sa da giudighè,
un om a sgond dla légg, senza sbajè:"

Dop ch'el m'ha détt acsé, amarcord bèn,
el m'ha guardèd e po' el m'ha détt pièn pièn :
" Fiol mia, tutti i mestìr iè complichèd,
e t'ì po' sol dop che t'ì ha imparèd,
mo prò c'ne un 'n do' toca bacilè,
e più s'va avanti e più c'è da imparè,
se t'el fà bèn c'è la sodisfazion,
mo se te sbaj c'è la disperazion,
an te guadagn mèi gnènt...e c'vo l'amor,
créd pùr, l'è complichèd fè 'l genitor..."