Amìgh

Amìgh de cènt batàj e de cènt giogh,
milla pensìr butèdi via t'èl vènt,
tantle cagnèr cl'enn'è servid a gnènt.
Amìgh ch'durèvi quant la paja al fogh.

Amìgh brugèdi, ch'scherzèvi sa la mòrt,
par gì cercand ch'èl sèns da dè a la vita,
acsé senza capì che la partita,
l'ajèra già truchèda da la sòrt.

Amìgh d'un tèmp pasèd sempre presènt,
sbocèdi com i fior a primavera,
a c'démi tutt senza pretènda gnènt...

Grand l'era 'l còr e l'anima sincera,
"Amìgh par sempre" l'era 'l giuramènt...
Tantle proméss che po' l'enn'è mèi véra.