El portafòj

In t'èl mi portafòj, c'è tutt e gnènt.
Al téngh in tle sacocc par la patènt,
parchè c'è i numbre par telefunè
se mèi qualch'd'un dle volt ho da chiamè.
C'è déntra 'l teserén par le partìd,
c'è dò santén de carta un po' sbiavìd...
Praticamènt c'è tutt mo a guardè bèn,
an s'trova manca 'l bécch d'un mèzz quadrén...

L'è guèsi propi fatt com cèrta gènt,
c'ha se le gamb, i bracc, el portamènt,
mo se par chès 'na volta t'và a parlèi,
t'incorg ch'inn'ha 'n bèl gnènt in t'i cervèi !!