Tutt o gnènt

Quand el Signor l'ha fatt el prém cristièn,
jà détti ste paròl préma d'gì via:
"Par fè 'na roba giusta e fata bèn,
a te dagh tutt, mo 'l cél in alt l'è 'l mia..."

Fnìd da sentì ste gran ragionamènt,
Adamo, ch'èl pensèva già da om,
invéc d'risponda:"Grazie, a so' cuntènt..."
I dìc un po' incagnèd:"Signor mo com,
el cél turchén, cl'è 'n post acsé tant bèll,
an t'vò dividle propi sa nisciun...??
T'm'ha dàt già tutt...Parchè an t'me dà anca quéll...
Già ch't'si arivèd ma trènta...Fà trentùn...!!"

Morèl...Ogg in t'èl mond c'è tanta gènt,
cl'ajè precisa de ch'el cristianacc,
intant l'an se cuntènta mèi de gnènt,
se po' la t'manda 'n déd...La t'chiapa el bracc !!